Kontrollur li l-finijiet tiegħu ma jeħtiġux l-identifikazzjoni tas-suġġett tad-data ma għandux għalfejn jikseb informazzjoni addizzjonali biss biex jikkonforma; jekk jista’ juri li ma jistax jidentifika s-suġġett tad-data, l-Artikoli 15 sa 20 ma japplikawx sakemm is-suġġett tad-data ma jipprovdix tali informazzjoni.
Jekk il-finijiet li għalihom il-kontrollur jipproċessa data personali ma jeħtiġux jew ma għadhomx jeħtieġu l-identifikazzjoni ta' suġġett tad- data mill-kontrollur, il-kontrollur ma għandux ikun obbligat li jżomm, jikseb jew jipproċessa informazzjoni addizzjonali sabiex jidentifika s-suġġett tad- data għall-unika raġuni li jikkonforma ma' dan ir-Regolament.
Fejn, fil-każijiet imsemmija fil-paragrafu 1 ta' dan l-Artikolu, il-kontrollur ikun jista' juri li mhuwiex f'pożizzjoni li jidentifika s-suġġett tad- data, il-kontrollur għandu jinforma lis-suġġett tad- data b'dan, jekk possibbli.
F'tali każijiet, l-Artikoli 15 sa 20 ma japplikawx għajr fejn is-suġġett tad- data, għall-fini li jeżerċita d-drittijiet tiegħu taħt dawk l-Artikoli, jipprovdi informazzjoni addizzjonali li tippermetti li huwa jiġi identifikat.