Cumhachtaí na n-údarás maoirseachta
Grafaic ó Eureka
Cá háit a ndeir an téacs é
- Airteagal 58(1)
Beidh na cumhachtaí imscrúdaitheacha uile seo a leanas ag gach údarás maoirseachta
- Airteagal 58(1)(a)
ordú a thabhairt don rialaitheoir agus don phróiseálaí agus, i gcás inarb infheidhme, d'ionadaí an rialaitheora nó an phróiseálaí, aon fhaisnéis a éilíonn sé ar mhaithe lena chúraimí a chomhlíonadh a chur ar fáil dó
- Airteagal 58(1)(b)
imscrúduithe a dhéanamh i bhfoirm iniúchtaí ar chosaint sonraí
- Airteagal 58(1)(e)
rochtain a fháil, ón rialaitheoir agus ón bpróiseálaí, ar na sonraí pearsanta ar fad agus ar gach faisnéis is gá chun a chúraimí a chomhlíonadh; agus
- Airteagal 58(1)(f)
rochtain a fháil ar aon áitreabh de chuid an rialaitheora agus an phróiseálaí
- Airteagal 58(2)
Beidh na cumhachtaí ceartaitheacha uile seo a leanas ag gach údarás maoirseachta
- Airteagal 58(2)(a)
fógraí rabhaidh a thabhairt do rialaitheoir nó do phróiseálaí ina gcuirtear in iúl gur dóchúil go sárófar forálacha an Rialacháin seo leis na hoibríochtaí próiseála a bheartaítear
- Airteagal 58(2)(b)
iomarduithe a eisiúint do rialaitheoir nó do phróiseálaí i gcás ina bhfuil oibríochtaí próiseála tar éis forálacha an Rialacháin seo a shárú
- Airteagal 58(2)(c)
ordú a thabhairt don rialaitheoir nó don phróiseálaí iarrataí an ábhair sonraí a chomhlíonadh maidir lena chearta a fheidhmiú de bhun an Rialacháin seo
- Airteagal 58(2)(d)
ordú a thabhairt don rialaitheoir nó don phróiseálaí oibríochtaí próiseála a chur i gcomhréir le forálacha an Rialacháin seo
- Airteagal 58(2)(f)
teorainn shealadach nó bhuan a fhorchur lena n-áirítear cosc ar phróiseáil
- Airteagal 58(2)(i)
fíneáil riaracháin a ghearradh de bhun Airteagal 83, de bhreis ar na bearta dá dtagraítear sa mhír seo nó ina n-ionad, ag brath ar dhálaí gach cáis faoi leith; agus
- Airteagal 58(2)(j)
ordú a thabhairt sreabha sonraí chuig faighteoir i dtríú tír nó chuig eagraíocht idirnáisiúnta a fhionraí
- Airteagal 58(3)
Beidh na cumhachtaí údaraithe agus comhairleacha uile seo a leanas ag gach údarás maoirseachta
- Airteagal 58(3)(a)
comhairle a thabhairt don rialaitheoir i gcomhréir leis an nós imeachta réamhchomhairliúcháin dá dtagraítear in Airteagal 36
- Airteagal 58(3)(b)
tuairimí a thabhairt, ar a thionscnamh féin nó arna iarraidh sin air
- Airteagal 58(3)(d)
tuairim a thabhairt agus dréachtchóid iompair a fhormheas de bhun Airteagal 40(5)
- Airteagal 58(3)(g)
clásail chaighdeánacha maidir le cosaint sonraí dá dtagraítear in Airteagal 28(8) agus i bpointe (d) d'Airteagal 46(2) a ghlacadh
- Airteagal 58(3)(h)
clásail chonarthacha dá dtagraítear i bpointe (a) d'Airteagal 46(3) a údarú
- Airteagal 58(3)(i)
socruithe riaracháin dá dtagraítear i bpointe (b) d'Airteagal 46(3) a údarú
- Airteagal 58(3)(j)
rialacha ceangailteacha corparáideacha a fhormheas de bhun Airteagal 47
- Airteagal 58(4)
Beidh feidhmiú na gcumhachtaí a thabharfar don údarás maoirseachta de bhun an Airteagail seo faoi réir coimircí iomchuí, lena n-áirítear leigheas breithiúnach éifeachtach agus próis chuí, atá leagtha síos i ndlí an Aontais agus i ndlí Ballstáit i gcomhréir leis an gCairt.
- Airteagal 58(5)
Forálfaidh gach Ballstát le dlí go mbeidh de chumhacht ag a údarás maoirseachta aird na n-údarás breithiúnach a tharraingt ar sháruithe ar an Rialachán seo agus, i gcás inarb iomchuí, imeachtaí dlíthiúla a thosú nó dul ina mbun ar bhealach eile d'fhonn forálacha an Rialacháin seo a fhorfheidhmiú.
- Airteagal 58(6)
Féadfaidh gach Ballstát a fhoráil le dlí go mbeidh cumhachtaí breise ag a údarás maoirseachta chomh maith leo siúd dá dtagraítear i mír 1, 2 agus 3. Ní chuirfidh oibriú na gcumhachtaí sin isteach ar fheidhmiú éifeachtach Chaibidil VII.