Is-setgħat tal-awtoritajiet superviżorji
Grafika ta' Eureka
Fejn jgħid hekk it-test
- Artikolu 58(1)
Kull awtorità superviżorja għandu jkollha s-setgħat kollha investigattivi li ġejjin
- Artikolu 58(1)(a)
li tordna lill-kontrollur u l-proċessur, u, fejn applikabbli, lir-rappreżentant tal-kontrollur jew tal-proċessur biex jipprovdu kwalunkwe informazzjoni li tirrikjedi għat-twettiq tal-kompiti tagħha
- Artikolu 58(1)(b)
li twettaq investigazzjonijiet fil-forma ta' awditi tal-protezzjoni tad- data
- Artikolu 58(1)(e)
li tikseb, mill-kontrollur u l-proċessur, aċċess għad- data personali kollha u għall-informazzjoni kollha meħtieġa għat-twettiq tal-kompiti tagħha
- Artikolu 58(1)(f)
li tikseb aċċess għal kwalunkwe bini tal-kontrollur u l-proċessur
- Artikolu 58(2)
Kull awtorità superviżorja għandu jkollha s-setgħat kollha korrettivi li ġejjin
- Artikolu 58(2)(a)
li toħroġ twissijiet lil kontrollur jew proċessur li l-operazzjonijiet ta' pproċessar maħsuba x'aktarx jiksru dispożizzjonijiet ta' dan ir-Regolament
- Artikolu 58(2)(b)
li ċċanfar kontrollur jew proċessur fejn l-operazzjonijiet ta' pproċessar ikunu kisru dispożizzjonijiet ta' dan ir-Regolament
- Artikolu 58(2)(c)
li tordna lill-kontrollur jew il-proċessur jikkonforma mat-talbiet tas-suġġett tad- data li jeżerċita d-drittijiet tiegħu skont dan ir-Regolament
- Artikolu 58(2)(d)
li tordna lill-kontrollur jew il-proċessur jagħmel operazzjonijiet ta' pproċessar konformi mad-dispożizzjonijiet ta' dan ir-Regolament
- Artikolu 58(2)(f)
li timponi limitazzjoni temporanja jew definittiva inkluża projbizzjoni fuq l-ipproċessar
- Artikolu 58(2)(i)
li timponi multa amministrattiva skont l-Artikolu 83, flimkien ma', jew minflok il-miżuri msemmija f'dan il-paragrafu, skont iċ-ċirkostanzi ta' kull każ individwali
- Artikolu 58(2)(j)
li tordna s-sospensjoni ta' flussi ta' data lejn riċevitur f'pajjiż terz jew lejn organizzazzjoni internazzjonali
- Artikolu 58(3)
Kull awtorità superviżorja għandu jkollha s-setgħat kollha konsultattivi u ta' awtorizzazzjoni li ġejjin
- Artikolu 58(3)(a)
li tagħti parir lill-kontrollur f'konformità mal-proċedura ta' konsultazzjoni minn qabel imsemmija fl-Artikolu 36
- Artikolu 58(3)(b)
li tagħti, fuq l-inizjattiva tagħha stess jew fuq talba, opinjonijiet
- Artikolu 58(3)(d)
li toħroġ opinjoni u tapprova abbozzi ta' kodiċijiet ta' kondotta skont l-Artikolu 40(5)
- Artikolu 58(3)(g)
li tadotta l-klawżoli standard ta' protezzjoni tad- data msemmija fl-Artikolu 28(8) u fil-punt (d) tal-Artikolu 46(2)
- Artikolu 58(3)(h)
li tawtorizza l-klawżoli kuntrattwali msemmija fil-punt (a) tal-Artikolu 46(3)
- Artikolu 58(3)(i)
li tawtorizza l-arranġamenti amministrattivi msemmija fil-punt (b) tal-Artikolu 46(3)
- Artikolu 58(3)(j)
li tapprova regoli korporattivi vinkolanti skont l-Artikolu 47
- Artikolu 58(4)
L-eżerċizzju tas-setgħat ikkonferiti lill-awtorità superviżorja skont dan l-Artikolu għandu jkun soġġett għal salvagwardji xierqa, inklużi r-rimedju ġudizzjarju effettiv u l-proċess ġust, stabbiliti fil-liġi tal-Unjoni u l-liġijiet tal-Istati Membri f'konformità mal-Karta.
- Artikolu 58(5)
Kull Stat Membru għandu jipprevedi bil-liġi li l-awtorità superviżorja tiegħu għandu jkollha s-setgħa li tiġbed l-attenzjoni tal-awtoritajiet ġudizzjarji għal ksur ta' dan ir-Regolament u, fejn xieraq, tibda jew timpenja ruħha b'mod ieħor fi proċedimenti legali, sabiex tinforza d-dispożizzjonijiet ta' dan ir-Regolament.
- Artikolu 58(6)
Kull Stat Membru jista' jipprevedi bil-liġi li l-awtorità superviżorja tiegħu għandu jkollha setgħat addizzjonali minbarra dawk imsemmija fil-paragrafi 1, 2 u 3. L-eżerċizzju ta' dawk is-setgħat ma għandux jostakola l-operazzjoni effettiva tal-Kapitolu VII.