Aqbeż għall-kontenut
Eureka Ir-Regolament Ġenerali dwar il-Protezzjoni tad-Data
MT lingwa

Kapitolu IV Taqsima 2 Artikolu 32

Artikolu 32 · Sigurtà tal-ipproċessar

Verżjoni konsolidata tal-4 ta’ Mejju 2016: it-test bil-korrezzjonijiet inkorporati. Il-verżjonijiet kollha · It-test oriġinali fir-Reader

Iftaħ fir-Reader

Parti minn: Sigurtà u ksur ta’ data personali

Fil-qosorSommarju ta' Eureka

Il-kontrollur u l-proċessur għandhom jimplimentaw miżuri tekniċi u organizzattivi adatti biex jiżguraw livell ta’ sigurtà xieraq għar-riskju, filwaqt li jqisu l-ogħla livell ta’ żvilupp, l-ispejjeż tal-implimentazzjoni, in-natura, l-ambitu, il-kuntest u l-finijiet tal-ipproċessar u r-riskju għad-drittijiet u l-libertajiet tal-persuni fiżiċi.

Dawn jinkludu, fost l-oħrajn u kif xieraq:

  • il-psewdonimizzazzjoni u l-kriptaġġ;
  • il-ħila li jiġu żgurati l-kunfidenzjalità, l-integrità, id-disponibbiltà u r-reżiljenza fuq bażi kontinwa;
  • il-ħila li jiġi restawrat l-aċċess għad-data personali wara inċident; u
  • l-ittestjar regolari tal-miżuri.
Sigurtà tal-ipproċessar Il-kontrollur jew il-proċessur, murija bħala żewġ binjiet ta’ uffiċċji, għandhom jimplimentaw miżuri tekniċi u organizzattivi xierqa biex jiżguraw livell ta’ sigurtà xieraq għar-riskju, b’kont tal-ogħla livell ta’ żvilupp tekniku, tal-ispejjeż tal-implimentazzjoni, tan-natura, l-ambitu, il-kuntest u l-finijiet tal-ipproċessar u tar-riskju għad-drittijiet u l-libertajiet tal-persuni fiżiċi. Erba’ kaxxi juru x’jinkludu l-miżuri, kif xieraq: (a) il-psewdonimizzazzjoni u l-kriptaġġ tad-data personali; (b) il-kapaċità li jiġu żgurati l-kunfidenzjalità, l-integrità, id-disponibbiltà u r-reżiljenza kontinwi tas-sistemi u s-servizzi tal-ipproċessar; (c) il-kapaċità li jerġgħu jiġu stabbiliti d-disponibbiltà u l-aċċess għad-data personali fil-ħin xieraq wara inċident fiżiku jew tekniku; (d) proċess għall-ittestjar, il-valutazzjoni u l-evalwazzjoni regolari tal-effettività tal-miżuri. Kontrollur jew Proċessur miżuri tekniċi u organizzattivi xierqa sigurtà xierqa għar-riskju b’kont meħud ta’: żvilupp tekniku, spejjeż tal-implimentazzjoni, natura, ambitu, kuntest u finijiet, riskju għad-drittijiet u l-libertajiet inklużi, kif xieraq: (a) psewdonimizzazzjoni u kriptaġġ (b) kunfidenzjalità kontinwa, integrità, disponibbiltà u reżiljenza (c) restawr tal-aċċess fil-ħin xieraq wara inċident (d) ittestjar regolari tal-miżuri

L-att fi stampi

It-test tal-Artikolu 32verżjoni konsolidata tal-4 ta’ Mejju 2016

Artikolu 32

Sigurtà tal-ipproċessar

1.  

Filwaqt li jikkunsidraw l-ogħla livell ta' żvilupp tekniku, l-ispejjeż tal-implimentazzjoni u in-natura, l-ambitu, il-kuntest, u l-għanijiet tal-ipproċessar kif ukoll ir-riskju ta' probabbiltà u gravità li jvarjaw għad-drittijiet u l-libertajiet tal-persuni fiżiċi, il-kontrollur u l-proċessur għandhom jimplimentaw miżuri tekniċi u organizzattivi xierqa, biex jiżguraw livell ta' sigurtà xieraq għar-riskju, inklużi inter alia kif xieraq:

(a) 

il-psewdonimizzazzjoni u l-kriptaġġ tad-data personali;

(b) 

il-kapaċità li jiġu żgurati l-kunfidenzjalità, l-integrità, id-disponibbiltà u r-reżiljenza kontinwi tas-sistemi u s-servizzi ta' pproċessar;

(c) 

il-kapaċità li jiġu restawrati d-disponibbiltà u l-aċċess għad-data personali fil-pront fil-każ ta' inċident fiżiku jew tekniku;

(d) 

proċess sabiex tiġi ttestjata, ivvalutata u evalwata l-effettività tal-miżuri tekniċi u organizzattivi li jiżguraw is-sigurtà tal-ipproċessar.

2.  
Fl-evalwazzjoni tal-livell xieraq ta' sigurtà ser jitqiesu b'mod partikolari r-riskji li jippreżenta l-ipproċessar, partikolarment minn qerda, telf, bidla, żvelar mhux awtorizzat ta', jew aċċess għal data personali trażmessa, maħżuna jew ipproċessata mod ieħor, li jkun aċċidentali jew illegali.
3.  
L-osservanza ta' kodiċi ta' kondotta approvat kif imsemmi fl-Artikolu 40 jew mekkaniżmu ta' ċertifikazzjoni approvat kif imsemmi fl-Artikolu 42 jistgħu jintużaw bħala element li bih tintwera konformità mar-rekwiżiti stipulati fil-paragrafu 1 ta' dan l-Artikolu.
4.  
Il-kontrollur u l-proċessur għandhom jieħdu passi biex jiżguraw li kwalunkwe persuna fiżika li taġixxi taħt l-awtorità tal-kontrollur jew tal-proċessur li jkollhom aċċess għal data personali ma jipproċessawhiex ħlief fuq istruzzjonijiet mingħand il-kontrollur, sakemm ma jkunux meħtieġa jagħmlu dan taħt il-liġi tal-Unjoni jew ta' Stat Membru.

Premessi li jispjegaw dan l-Artikolu

  • Premessa 83 Sabiex iżomm is-sigurtà u jipprevjeni l-ipproċessar li jikser dan ir-Regolament, il-kontrollur jew…

Termini definiti f’dan l-att li jintużaw hawn

  • data personali

    “data personali” tfisser kwalunkwe informazzjoni relatata ma' persuna fiżika identifikata jew identifikabbli (“suġġett tad-data”); persuna fiżika identifikabbli hija persuna li tista' tiġi identifikata, direttament jew indirettament, b'mod partikolari b'referenza għal mezz ta' identifikazzjoni bħal isem, numru ta' identifikazzjoni, data ta' lokalizzazzjoni, identifikatur online jew għal fattur wieħed jew aktar speċifiċi għall-identità fiżika, fiżjoloġika, ġenetika, mentali, ekonomika, kulturali jew soċjali ta' dik il-persuna fiżika;

    Article 4, point (1)

  • ipproċessar

    “ipproċessar” tfisser kwalunkwe attività jew sett ta' attivitajiet li jitwettqu fuq data personali jew fuq settijiet ta' data personali, sew jekk b'mezzi awtomatizzati u sew jekk mingħajrhom, bħalma huma l-ġbir, ir-reġistrazzjoni, l-organizzazzjoni, l-istrutturar, il-ħażna, l-adattament jew il-bidliet, l-irkupru, il-konsultazzjoni, l-użu, l-iżvelar bi trażmissjoni, it-tixrid jew it-tqegħid għad-dispożizzjoni b'xi mezz ieħor, l-allinjament jew it-taħlita, ir-restrizzjoni, it-tħassir jew il-qerda;

    Article 4, point (2)

  • psewdonimizzazzjoni

    “psewdonimizzazzjoni” tfisser l-ipproċessar ta' data personali b'tali mod li d-data personali ma tkunx tista' tibqa' tiġi attribwita għal suġġett tad-data speċifiku mingħajr l-użu ta' informazzjoni addizzjonali, dment li tali informazzjoni addizzjonali tinżamm separatament u tkun soġġetta għal miżuri tekniċi u organizzattivi biex jiġi żgurat li d-data personali ma tiġix attribwita għal persuna fiżika identifikata jew identifikabbli;

    Article 4, point (5)

  • kontrollur

    “kontrollur” tfisser persuna fiżika jew ġuridika, awtorità pubblika, aġenzija jew kwalunkwe korp ieħor li, waħdu jew flimkien ma' oħrajn, jiddetermina l-għanijiet u l-mezzi tal-ipproċessar ta' data personali; fejn l-għanijiet u l-mezzi tal-ipproċessar ikunu ddeterminati mil-liġi tal-Unjoni jew ta' Stat Membru, il-kontrollur jew il-kriterji speċifiċi għall-ħatra tiegħu jistgħu jiġu determinati mil-liġi tal-Unjoni jew ta' Stat Membru;

    Article 4, point (7)

  • proċessur

    “proċessur” tfisser persuna fiżika jew ġuridika, awtorità pubblika, aġenzija jew korp ieħor li jipproċessa data personali f'isem il-kontrollur;

    Article 4, point (8)

Aktar fir-Reader ta’ Eureka

Eureka qed iżżid links u definizzjonijiet…