Tá an ceart chun leigheas breithiúnach éifeachtach a fháil ag gach duine nádúrtha nó dlítheanach i gcoinne cinneadh atá ceangailteach ó thaobh dlí ó údarás maoirseachta a bhaineann leis nó léi.
Tá an ceart sin ag ábhar sonraí freisin i gcás nach láimhseálann an t-údarás maoirseachta atá inniúil faoi Airteagail 55 agus 56 gearán nó nach gcuireann sé an t-ábhar sonraí ar an eolas laistigh de thrí mhí faoina dhul chun cinn nó faoina thoradh.
Tionscnaítear imeachtaí os comhair chúirteanna an Bhallstáit ina bhfuil an t-údarás maoirseachta bunaithe.
Is féidir agóid a dhéanamh sa chúirt i gcoinne cinntí ó údarás maoirseachta, agus i gcoinne mainneachtain gearán a láimhseáil; féadfaidh ábhar sonraí imeachtaí a thionscnamh freisin i gcoinne rialaitheora nó próiseálaí, i gcásanna áirithe ina Bhallstát nó ina Ballstát féin.An gníomh i bpictiúir
Téacs Airteagal 78 · leagan comhdhlúite an 4 Bealtaine 2016
Airteagal 78
An ceart chun leigheas breithiúnach éifeachtach a fháil i gcoinne údarás maoirseachta
1.
Gan dochar do leigheas riaracháin nó neamhbhreithiúnach ar bith eile, beidh an ceart ag gach duine nádúrtha nó dlíthiúil leigheas éifeachtach breithiúnach a fháil i gcoinne cinneadh a bhaineann leo a dhéanann údarás maoirseachta agus atá ina cheangal de réir dlí.
2.
Gan dochar d'aon leigheas riaracháin nó neamhbhreithiúnach ar bith eile, beidh an ceart ag gach ábhar sonraí leigheas éifeachtach breithiúnach a bheith aige i gcás nach láimhseálann an t-údarás maoirseachta atá inniúil de bhun Airteagal 55 agus Airteagal 56 gearán nó i gcás nach gcuireann sé an t-ábhar sonraí ar an eolas laistigh de thrí mhí maidir le dul chun cinn nó le toradh an ghearáin arna thaisceadh de bhun Airteagal 77.
3.
Tionscnófar imeachtaí i gcoinne údarás maoirseachta os comhair na gcúirteanna sa Bhallstát ina bhfuil an t-údarás maoirseachta bunaithe.
4.
I gcás imeachtaí a thionscnaítear i gcoinne cinneadh ó údarás maoirseachta ar thug an Bord tuairim nó cinneadh uaidh roimhe tríd an sásra comhsheasmhachta, cuirfidh an t-údarás maoirseachta an cinneadh nó an tuairim sin ar aghaidh chuig an gCúirt.
Aithrisí a mhíníonn an tAirteagal seo
Aithris 141Ba cheart an ceart a bheith ag gach ábhar sonraí gearán a thaisceadh le húdarás maoirseachta aonair, go…
Aithris 143Tá an ceart ag aon duine nádúrtha nó dlítheanach caingean a thionscnamh chun cinntí de chuid an Bhoird a…
Téarmaí a shainmhínítear sa ghníomh seo agus a úsáidtear anseo
ciallaíonn “sonraí pearsanta” aon fhaisnéis a bhaineann le duine nádúrtha sainaitheanta nó in-sainaitheanta (“ábhar sonraí”); is é is duine nádúrtha in-sainaitheanta ann duine is féidir a shainaithint, go díreach nó go hindíreach, go háirithe trí thagairt a dhéanamh d'aitheantóir amhail ainm, uimhir aitheantais, sonraí suímh, aitheantóir ar líne nó ceann amháin nó níos mó de thosca a bhaineann go sonrach le céannacht fhisiceach, fhiseolaíoch, ghéiniteach, mheabhrach, eacnamaíoch, chultúrtha nó shóisialta an duine nádúrtha sin;