Téigh chuig an ábhar
Eureka An Rialachán Ginearálta maidir le Cosaint Sonraí
GA teanga

Caibidil IV Roinn 5 Airteagal 41

Airteagal 41 · Faireachán a dhéanamh ar chóid fhormheasta iompair

Leagan comhdhlúite an 4 Bealtaine 2016: an téacs agus a cheartúcháin curtha isteach. Gach leagan · An téacs bunaidh sa Reader

Oscail sa Reader

Go hachomairAchoimre ó Eureka

Féadfaidh comhlacht a bhfuil leibhéal iomchuí saineolais aige agus atá creidiúnaithe chun na críche sin ag an údarás inniúil maoirseachta faireachán a dhéanamh ar chomhlíonadh cód iompair, gan dochar do chúraimí agus do chumhachtaí an údaráis sin.

Féadfar comhlacht a chreidiúnú más rud é:

  • gur léirigh sé a neamhspleáchas agus a shaineolas;
  • gur bhunaigh sé nósanna imeachta maidir le hincháilitheacht, le faireachán agus le gearáin; agus
  • gur léirigh sé nach mbíonn coinbhleacht leasa mar thoradh ar a chúraimí.

Ní mór dó gníomh iomchuí a dhéanamh i gcoinne sáruithe, lena n-áirítear fionraí ón gcód nó eisiamh as. Ní mór a chreidiúnú a chúlghairm mura gcomhlíontar na ceanglais maidir le creidiúnú, nó mura gcomhlíontar a thuilleadh iad, nó má sháraíonn a ghníomhartha an Rialachán.

Níl feidhm ag an Airteagal maidir le próiseáil ag údaráis agus comhlachtaí poiblí.

Cóid iompair agus deimhniú Cóid iompair, Airteagail 40 agus 41: ullmhaíonn comhlachais agus comhlachtaí eile a dhéanann ionadaíocht thar ceann rialaitheoirí nó próiseálaithe dréachtchód agus cuireann siad faoi bhráid an údaráis maoirseachta é, agus formheasann an t-údarás é má sholáthraíonn sé coimircí iomchuí leordhóthanacha; maidir le próiseáil i roinnt Ballstát, tugann an Bord tuairim ar dtús, agus féadfaidh an Coimisiún bailíocht ghinearálta san Aontas a thabhairt do chód formheasta. Deimhniú, Airteagail 42 agus 43: deonach; eisíonn comhlacht deimhniúcháin creidiúnaithe nó an t-údarás maoirseachta é; ar feadh trí bliana ar a mhéad, agus is féidir é a athnuachan; ní laghdaíonn sé freagracht an rialaitheora ná an phróiseálaí as an Rialachán a chomhlíonadh. cóid iompair Airt. 40, 41 comhlachais dréachtchód údarás maoirseachta formheas má sholáthraíonn sé coimircí iomchuí leordhóthanacha An Bord Eorpach um Chosaint Sonraí roinnt Ballstát: tugann an Bord tuairim ar dtús An Coimisiún cead bailíocht ghinearálta san Aontas deimhniú Airt. 42, 43 deonach eisithe ag comhlacht deimhniúcháin creidiúnaithe nó ag an údarás maoirseachta suas le trí bliana in-athnuaite ní laghdaíonn sé an fhreagracht as comhlíonadh
Féadfaidh comhlachais cóid iompair a tharraingt suas lena bhformheas ag an údarás maoirseachta, agus féadfaidh rialaitheoirí agus próiseálaithe deimhniú deonach a lorg, rud nach laghdaíonn a bhfreagracht. An gníomh i bpictiúir

Téacs Airteagal 41leagan comhdhlúite an 4 Bealtaine 2016

Airteagal 41

Faireachán a dhéanamh ar chóid fhormheasta iompair

▼C2

1.  
Gan dochar do chúraimí agus do chumhachtaí an údaráis maoirseachta atá inniúil faoi Airteagal 57 agus Airteagal 58, comhlacht a bhfuil leibhéal iomchuí saineolais aige maidir le hábhar an chóid agus a bhfuil creidiúnú aige chun na críche sin ón údarás inniúil maoirseachta, féadfaidh sé faireachán a dhéanamh ar chomhlíonadh an chóid iompair de bhun Airteagal 40.

▼B

2.  

Féadfar creidiúnú a thabhairt do chomhlacht amhail dá dtagraítear i mír 1 chun faireachán a dhéanamh ar chomhlíonadh cóid iompair, más fíor an méid seo a leanas maidir leis an gcomhlacht sin:

(a) 

tá sé taispeáinte aige go bhfuil sé neamhspleách agus go bhfuil saineolas aige maidir le hábhar an chóid chun sástachta an údaráis inniúil mhaoirseachta;

(b) 

tá nósanna imeachta bunaithe aige a chuirfeadh ar a chumas incháilitheacht na rialaitheoirí agus na bpróiseálaithe lena mbaineann a mheas chun an cód a chur i bhfeidhm, faireachán a dhéanamh ar a mhéid atá forálacha an chóid á gcomhlíonadh acu agus athbhreithniú a dhéanamh go tráthrialta ar fheidhmiú an chóid;

(c) 

tá nósanna imeachta agus struchtúir bunaithe aige chun gearáin a láimhseáil maidir le sáruithe ar an gcód nó maidir leis an mbealach ar chuir an rialaitheoir nó an próiseálaí an cód i bhfeidhm nó maidir leis an mbealach a bhfuil sé á chur i bhfeidhm acu, agus na nósanna imeachta sin agus na struchtúir sin a chur in iúl ar bhealach trédhearcach do na hábhair sonraí agus don phobal; agus

(d) 

tá sé taispeáinte aige chun sástachta an údaráis inniúil mhaoirseachta nach ngabhann coinbhleachtaí leasa leis na cúraimí ná leis na dualgais atá air.

▼C1

3.  
Cuirfidh an t-údarás inniúil maoirseachta na dréachtcheanglais maidir le creidiúnú a thabhairt do chomhlacht amhail dá dtagraítear i mír 1 den Airteagal seo faoi bhráid an Bhoird de bhun an tsásra comhsheasmhachta dá dtagraítear in Airteagal 63.

▼B

4.  
Gan dochar do chúraimí agus cumhachtaí an údaráis inniúil maoirseachta ná d'fhorálacha Chaibidil VIII, glacfaidh comhlacht amhail dá dtagraítear i mír 1 den Airteagal seo, bearta faoi leith, faoi réir coimircí iomchuí, i gcás ina sáróidh rialaitheoir nó próiseálaí an cód, lena n-áirítear an rialaitheoir nó an próiseálaí lena mbaineann a chur ar fionraí nó a eisiamh ón gcód. Cuirfidh sé na bearta sin in iúl don údarás inniúil maoirseachta mar aon leis na cúiseanna ar ghlac sé iad.

▼C1

5.  
Cúlghairfidh an t-údarás inniúil maoirseachta an creidiúnú a thabharfar do chomhlacht amhail dá dtagraítear i mír 1 mura gcomhlíontar na ceanglais maidir le creidiúnú nó mura mbíonn na ceanglais sin á gcomhlíonadh a thuilleadh, nó más rud é go sáraíonn bearta a ghlacann an comhlacht an Rialachán seo.

▼B

6.  
Ní bheidh feidhm ag an Airteagal seo maidir leis an bpróiseáil a dhéanann údaráis phoiblí agus comhlachtaí poiblí.

Téarmaí a shainmhínítear sa ghníomh seo agus a úsáidtear anseo

  • ábhar sonraí

    ciallaíonn “sonraí pearsanta” aon fhaisnéis a bhaineann le duine nádúrtha sainaitheanta nó in-sainaitheanta (“ábhar sonraí”); is é is duine nádúrtha in-sainaitheanta ann duine is féidir a shainaithint, go díreach nó go hindíreach, go háirithe trí thagairt a dhéanamh d'aitheantóir amhail ainm, uimhir aitheantais, sonraí suímh, aitheantóir ar líne nó ceann amháin nó níos mó de thosca a bhaineann go sonrach le céannacht fhisiceach, fhiseolaíoch, ghéiniteach, mheabhrach, eacnamaíoch, chultúrtha nó shóisialta an duine nádúrtha sin;

    Article 4, point (1)

  • próiseáil

    ciallaíonn “próiseáil” aon oibríocht nó aon sraith d'oibríochtaí a dhéantar ar shonraí pearsanta nó ar shraitheanna de shonraí pearsanta, trí mhodhanna uathoibrithe nó trí mhodhanna eile, amhail bailiú, taifeadadh, eagrú, struchtúrú, stóráil, oiriúnú nó athrú, aisghabháil, ceadú, úsáid, nochtadh trí tharchur, trí scaipeadh nó trí chur ar fáil ar bhealach eile, ailíniú nó comhcheangal, srianadh, léirscriosadh nó díothú;

    Article 4, point (2)

  • rialaitheoir

    ciallaíonn “rialaitheoir” an duine nádúrtha nó dlítheanach, an t-údarás poiblí, an ghníomhaireacht nó an comhlacht eile a chinneann, ina aonar nó i gcomhpháirt, críocha agus modhanna na próiseála; i gcás ina gcinntear críocha agus modhanna na próiseála sin le dlí an Aontais nó le dlí Ballstáit, féadfar foráil a dhéanamh don rialaitheoir le dlí an Aontais nó le dlí Ballstáit nó féadfar foráil a dhéanamh do na critéir shonracha dá ainmniú le dlí an Aontais nó le dlí Ballstáit;

    Article 4, point (7)

  • próiseálaí

    ciallaíonn “próiseálaí” duine nádúrtha nó dlítheanach, údarás poiblí, gníomhaireacht nó comhlacht eile a phróiseálann sonraí pearsanta thar ceann an rialaitheora;

    Article 4, point (8)

  • údarás maoirseachta

    ciallaíonn “údarás maoirseachta” údarás poiblí neamhspleách a bhunaíonn Ballstát de bhun Airteagal 51;

    Article 4, point (21)

Tuilleadh i Reader Eureka

Tá Eureka ag cur nasc agus sainmhínithe leis…