Téigh chuig an ábhar
Eureka An Rialachán Ginearálta maidir le Cosaint Sonraí
GA teanga

Caibidil IV Roinn 1 Airteagal 26

Airteagal 26 · Rialaitheoirí comhpháirteacha

Leagan comhdhlúite an 4 Bealtaine 2016: an téacs agus a cheartúcháin curtha isteach. Gach leagan · An téacs bunaidh sa Reader

Oscail sa Reader

Cuid de: Rialaitheoirí agus próiseálaithe

Go hachomairAchoimre ó Eureka

I gcás ina gcinneann beirt rialaitheoirí nó níos mó i gcomhpháirt críocha agus modhanna na próiseála, is rialaitheoirí comhpháirteacha iad.

Mura gcinntear a bhfreagrachtaí le dlí an Aontais nó le dlí Ballstáit, agus a mhéid nach gcinntear iad, ní mór dóibh iad a leagan amach i socrú trédhearcach, go háirithe maidir le cearta an ábhair sonraí agus leis an bhfaisnéis faoi Airteagail 13 agus 14, agus croílár an tsocraithe a chur ar fáil don ábhar sonraí.

Is cuma cad atá sa socrú, féadfaidh an t-ábhar sonraí a chearta nó a cearta a fheidhmiú i gcoinne gach ceann de na rialaitheoirí.

Rialaitheoirí comhpháirteacha Is rialaitheoirí comhpháirteacha iad dhá rialaitheoir a chinneann críocha agus modhanna na próiseála i gcomhpháirt. Leagtar amach i socrú eatarthu a bhfreagrachtaí faoi seach, go háirithe maidir le cearta an ábhair sonraí agus faisnéis Airteagail 13 agus 14, ach amháin a mhéid a chinntear iad le dlí an Aontais nó le dlí Ballstáit. Léiríonn saighead chaol go gcuirtear croílár an tsocraithe ar fáil don ábhar sonraí. Dhá shaighead ón ábhar sonraí chuig gach rialaitheoir, le sliseog ar a bhfuil an focal cead: is cuma cad a deir an socrú, féadfaidh an t-ábhar sonraí a chearta a fheidhmiú i leith gach ceann de na rialaitheoirí. cinneann siad críocha is modhanna i gcomhpháirt rialaitheoir rialaitheoir socrú freagrachtaí faoi seach ní do: freagrachtaí a shocraítear le dlí a chroílár ábhar sonraí cead cearta a fheidhmiú i leith gach rialaitheora

An gníomh i bpictiúir

Téacs Airteagal 26leagan comhdhlúite an 4 Bealtaine 2016

Airteagal 26

Rialaitheoirí comhpháirteacha

1.  
I gcás ina gcinneann dhá rialaitheoir nó níos mó go comhpháirteach críocha agus bealaí na próiseála, beidh siad ina rialaitheoirí comhpháirteacha. Cinnfidh siad, ar bhealach trédhearcach, na freagrachtaí a bheidh orthu faoi seach maidir leis na hoibleagáidí faoin Rialachán seo a chomhlíonadh, go háirithe maidir le feidhmiú chearta na n-ábhar sonraí agus na dualgais a bheidh orthu faoi seach an fhaisnéis dá dtagraítear in Airteagal 13 agus in Airteagal 14 a chur ar fáil, trí chomhshocrú eatarthu, murar rud é gur le dlí an Aontais nó le dlí Ballstáit a chinntear na freagrachtaí atá ar na rialaitheoirí faoi seach, nó a mhéid ar leis na dlíthe sin a chinntear na freagrachtaí atá orthu, agus ar faoina réir atá na rialaitheoirí. Faoin gcomhshocrú, féadfar pointe teagmhála a ainmniú do na hábhair sonraí.
►C2  
2.  
Maidir leis an gcomhshocrú dá dtagraítear i mír 1, léireofar go cuí ann róil agus gaoil faoi seach na rialaitheoirí comhpháirteacha i leith na n-ábhar sonraí. Cuirfear buneolas maidir leis an gcomhshocrú sin ar fáil don ábhar sonraí.
 ◄
3.  
Beag beann ar théarmaí an chomhshocraithe dá dtagraítear i mír 1, féadfaidh an t-ábhar sonraí a chearta nó a cearta a fheidhmiú faoin Rialachán seo i ndáil le gach rialaitheoir ar leithligh agus i gcoinne gach rialaitheora.

Aithrisí a mhíníonn an tAirteagal seo

  • Aithris 79 Le cosaint ceart agus saoirsí ábhar sonraí agus freagracht agus dliteanas rialaitheoirí agus próiseálaithe…

Téarmaí a shainmhínítear sa ghníomh seo agus a úsáidtear anseo

  • ábhar sonraí

    ciallaíonn “sonraí pearsanta” aon fhaisnéis a bhaineann le duine nádúrtha sainaitheanta nó in-sainaitheanta (“ábhar sonraí”); is é is duine nádúrtha in-sainaitheanta ann duine is féidir a shainaithint, go díreach nó go hindíreach, go háirithe trí thagairt a dhéanamh d'aitheantóir amhail ainm, uimhir aitheantais, sonraí suímh, aitheantóir ar líne nó ceann amháin nó níos mó de thosca a bhaineann go sonrach le céannacht fhisiceach, fhiseolaíoch, ghéiniteach, mheabhrach, eacnamaíoch, chultúrtha nó shóisialta an duine nádúrtha sin;

    Article 4, point (1)

  • próiseáil

    ciallaíonn “próiseáil” aon oibríocht nó aon sraith d'oibríochtaí a dhéantar ar shonraí pearsanta nó ar shraitheanna de shonraí pearsanta, trí mhodhanna uathoibrithe nó trí mhodhanna eile, amhail bailiú, taifeadadh, eagrú, struchtúrú, stóráil, oiriúnú nó athrú, aisghabháil, ceadú, úsáid, nochtadh trí tharchur, trí scaipeadh nó trí chur ar fáil ar bhealach eile, ailíniú nó comhcheangal, srianadh, léirscriosadh nó díothú;

    Article 4, point (2)

  • rialaitheoir

    ciallaíonn “rialaitheoir” an duine nádúrtha nó dlítheanach, an t-údarás poiblí, an ghníomhaireacht nó an comhlacht eile a chinneann, ina aonar nó i gcomhpháirt, críocha agus modhanna na próiseála; i gcás ina gcinntear críocha agus modhanna na próiseála sin le dlí an Aontais nó le dlí Ballstáit, féadfar foráil a dhéanamh don rialaitheoir le dlí an Aontais nó le dlí Ballstáit nó féadfar foráil a dhéanamh do na critéir shonracha dá ainmniú le dlí an Aontais nó le dlí Ballstáit;

    Article 4, point (7)

Tuilleadh i Reader Eureka

Tá Eureka ag cur nasc agus sainmhínithe leis…