Téigh chuig an ábhar
Eureka An Rialachán Ginearálta maidir le Cosaint Sonraí
GA teanga

Caibidil VI Roinn 1 Airteagal 54

Airteagal 54 · Rialacha maidir leis an údarás maoirseachta a bhunú

Leagan comhdhlúite an 4 Bealtaine 2016: an téacs agus a cheartúcháin curtha isteach. Gach leagan · An téacs bunaidh sa Reader

Oscail sa Reader

Go hachomairAchoimre ó Eureka

Ní mór do gach Ballstát foráil a dhéanamh le dlí do bhunú gach údaráis maoirseachta agus do na rialacha maidir lena chomhaltaí:

  • cáilíochtaí agus incháilitheacht;
  • ceapachán;
  • téarma nach lú ná ceithre bliana;
  • athcheapachán; agus
  • na hoibleagáidí agus na gníomhartha, na slite beatha agus na sochair nach luíonn leo, le linn an téarma agus ina dhiaidh.

Féadfaidh cuid den chéad cheapachán tar éis an 24 Bealtaine 2016 a bheith ar feadh tréimhse níos giorra i gcás inar gá sin chun an neamhspleáchas a chosaint trí nós imeachta ceapacháin céimnithe.

Tá comhaltaí agus an fhoireann faoi réir dualgas rúndachta gairmiúla, le linn a dtéarma oifige agus ina dhiaidh, maidir le faisnéis rúnda a tháinig ar a n-aird le linn a gcúraimí.

Téacs Airteagal 54leagan comhdhlúite an 4 Bealtaine 2016

Airteagal 54

Rialacha maidir leis an údarás maoirseachta a bhunú

▼C2

1.  

Forálfaidh gach Ballstát le dlí do gach ceann den mhéid seo a leanas:

(a) 

bunú gach údaráis maoirseachta;

(b) 

cáilíochtaí agus coinníollacha incháilitheachta atá riachtanach le bheith ceaptha mar chomhalta de gach údarás maoirseachta;

(c) 

na rialacha agus na nósanna imeachta chun comhalta nó comhaltaí gach údaráis maoirseachta a cheapadh;

(d) 

fad an téarma do chomhalta nó comhaltaí gach údaráis maoirseachta, téarma nach lú ná ceithre bliana, seachas i gcás an chéad cheapacháin tar éis an 24 Bealtaine 2016, ar féidir tréimhse níos giorra a bheith i gceist le cuid de sa chás inar gá sin chun neamhspleáchas an údaráis maoirseachta a chosaint trí nós imeachta ceapacháin a bheidh agaithe;

(e) 

cé acu atá nó nach bhfuil comhalta nó comhaltaí gach údaráis maoirseachta incháilithe lena n-athcheapadh agus, i gcás ina bhfuil, líon na dtéarmaí athcheapacháin; agus

(f) 

na coinníollacha lena rialaítear oibleagáidí comhalta nó comhaltaí agus foireann gach údaráis maoirseachta, toirmisc ar ghníomhaíochtaí, agus gairmeacha beatha agus sochair nach bhfuil ag luí leis na hoibleagáidí sin le linn an téarma oifige agus ina dhiaidh agus rialacha lena rialaítear scor fostaíochta.

2.  
Beidh comhalta nó comhaltaí agus foireann gach údaráis maoirseachta, i gcomhréir le dlí an Aontais nó le dlí Ballstáit, faoi réir dualgas rúndachta gairmiúla, le linn agus i ndiaidh a dtéarma oifige, maidir le haon fhaisnéis faoi rún a dtagann siad uirthi le linn dóibh bheith ag comhlíonadh a gcúraimí nó ag feidhmiú a gcumhachtaí. Le linn a dtéarma oifige, bainfidh an dualgas rúndachta gairmiúla sin go háirithe le sáruithe ar an Rialachán seo a bheith á dtuairisciú ag daoine nádúrtha.

▼B

Aithrisí a mhíníonn an tAirteagal seo

  • Aithris 121 Ba cheart na coinníollacha ginearálta do chomhalta nó do chomhaltaí an údaráis mhaoirseachta a leagan síos le…

Téarmaí a shainmhínítear sa ghníomh seo agus a úsáidtear anseo

  • údarás maoirseachta

    ciallaíonn “údarás maoirseachta” údarás poiblí neamhspleách a bhunaíonn Ballstát de bhun Airteagal 51;

    Article 4, point (21)

Tuilleadh i Reader Eureka

Tá Eureka ag cur nasc agus sainmhínithe leis…