Téigh chuig an ábhar
Eureka An Rialachán Ginearálta maidir le Cosaint Sonraí
GA teanga

Caibidil VII Roinn 2 Airteagal 64

Airteagal 64 · Tuairim an Bhoird

Leagan comhdhlúite an 4 Bealtaine 2016: an téacs agus a cheartúcháin curtha isteach. Gach leagan · An téacs bunaidh sa Reader

Oscail sa Reader

Go hachomairAchoimre ó Eureka

Ní mór don Bhord tuairim a eisiúint i gcás ina bhfuil sé beartaithe ag údarás inniúil maoirseachta ceann de na bearta atá liostaithe i mír 1 a ghlacadh, amhail rialacha ceangailteacha corparáideacha a fhormheas; cuireann sé a dhréachtchinneadh in iúl don Bhord agus ní fhéadfaidh sé é a ghlacadh idir an dá linn.

Féadfaidh aon údarás maoirseachta, Cathaoirleach an Bhoird nó an Coimisiún tuairim a iarraidh freisin ar aon ábhar a bhfuil feidhm ghinearálta aige nó a bhfuil éifeachtaí aige i níos mó ná Ballstát amháin.

Glactar an tuairim laistigh d'ocht seachtaine, is féidir a shíneadh sé seachtaine, trí thromlach simplí. Ní mór don údarás an tuairim a chur san áireamh go hiomlán; mura bhfuil sé ar intinn aige í a leanúint, tá feidhm ag Airteagal 65(1).

An sásra comhsheasmhachta An sásra comhsheasmhachta: chun cur le cur i bhfeidhm comhsheasmhach an Rialacháin ar fud an Aontais, comhoibríonn na húdaráis mhaoirseachta lena chéile agus, i gcás inarb ábhartha, leis an gCoimisiún. Tuairim ón mBord (Airteagal 64): údarás maoirseachta inniúil atá ar intinn aige ceann de na bearta a liostaítear in Airteagal 64(1) a ghlacadh, amhail rialacha ceangailteacha corparáideacha a fhormheas, cuireann sé a dhréachtchinneadh in iúl don Bhord, a eisíonn tuairim laistigh d'ocht seachtaine, is féidir a shíneadh sé seachtaine; ní mór don údarás an aird is mó a thabhairt uirthi, agus mura leanann sé í, tá feidhm ag Airteagal 65(1). Cinneadh ceangailteach ón mBord (Airteagal 65), i gcás: (a) gur ardaigh údarás maoirseachta lena mbaineann agóid ábhartha réasúnaithe i gcoinne dréachtchinneadh ón bpríomhúdarás maoirseachta agus nár lean an príomhúdarás an agóid nó gur dhiúltaigh sé di ar an mbunús nach bhfuil sí ábhartha nó réasúnaithe (foclaíocht mar a ceartaíodh í leis an gceartúchán an 23 Bealtaine 2018, IO L 127, lch. 3); (b) go bhfuil tuairimí contrártha ann maidir le cé acu de na húdaráis mhaoirseachta lena mbaineann atá inniúil don phríomhbhunaíocht; (c) nach n-iarrann údarás inniúil tuairim ón mBord faoi Airteagal 64(1) nó nach leanann sé í. Cinneann an Bord laistigh de mhí amháin, is féidir a shíneadh mí amháin, trí thromlach dhá thrian, agus tá a chinneadh ina cheangal ar na húdaráis lena mbaineann. Nós imeachta práinne (Airteagal 66): in imthosca eisceachtúla, i gcás ina bhfuil gá práinneach le gníomhú chun cearta agus saoirsí ábhar sonraí a chosaint, féadfaidh údarás maoirseachta lena mbaineann bearta sealadacha a ghlacadh láithreach ar a chríoch féin, a bheidh bailí ar feadh trí mhí ar a mhéad. An Bord Eorpach um Chosaint Sonraí sásra comhsheasmhachta cur i bhfeidhm comhsheasmhach ar fud an Aontais tuairim ón mBord Airt. 64 dréachtbheart liostaithe, m.sh. rialacha ceangailteacha corparáideacha Údarás maoirseachta dréachtchinneadh An Bord Eorpach um Chosaint Sonraí laistigh de 8 seachtaine is féidir síneadh 6 seachtaine tugann an t-údarás an aird is mó uirthi; mura leanann sé í: cinneadh ceangailteach cinneadh ceangailteach ón mBord Airt. 65 i gcás: (a) agóid ábhartha réasúnaithe i gcoinne dhréacht an phríomhúdaráis, nár leanadh nó a diúltaíodh (b) tuairimí contrártha faoin údarás atá inniúil don phríomhbhunaíocht (c) tuairim faoi Airt. 64 gan iarraidh nó gan leanúint laistigh de mhí is féidir síneadh míosa tromlach dhá thrian, ceangailteach ar na húdaráis lena mbaineann nós imeachta práinne Airt. 66 má: imthosca eisceachtúla, práinn le gníomhú cead bearta sealadacha ar a chríoch féin trí mhí ar a mhéad
Tríd an sásra comhsheasmhachta, tugann an Bord tuairimí ar dhréachtbhearta liostaithe agus réitíonn sé díospóidí idir údaráis mhaoirseachta trí chinntí ceangailteacha; i gcásanna práinneacha, féadfaidh údarás gníomhú go sealadach. An gníomh i bpictiúir

Téacs Airteagal 64leagan comhdhlúite an 4 Bealtaine 2016

Airteagal 64

Tuairim an Bhoird

1.  

I gcás ina mbeartóidh údarás inniúil maoirseachta aon cheann de na bearta anseo síos a ghlacadh, eiseoidh an Bord tuairim. Chun na críche sin, cuirfidh an t-údarás inniúil maoirseachta an dréachtchinneadh in iúl don Bhord, sna cásanna seo a leanas:

(a) 

dírítear ann ar liosta de na hoibríochtaí próiseála a ghlacadh faoi réir an cheanglais le haghaidh measúnú tionchair ar chosaint sonraí, de bhun Airteagal 35(4);

(b) 

baineann sé le hábhar de bhun Airteagal 40(7) féachaint an bhfuil dréachtchód iompair nó leasú nó síneadh ar chód iompair má chomhlíonann sé an Rialachán seo;

▼C1

(c) 

dírítear ann ar cheanglais maidir le creidiúnú comhlachta de bhun Airteagal 41(3), comhlachta deimhniúcháin de bhun Airteagal 43(3) nó ar na critéir maidir le deimhniú dá dtagraítear in Airteagal 42(5) a fhormheas;

▼B

(d) 

dírítear ann ar na clásail chaighdeánacha um chosaint sonraí dá dtagraítear i bpointe (d) d'Airteagal 46(2) agus in Airteagal 28(8) a chinneadh;

(e) 

dírítear ann ar chlásail chonarthacha dá dtagraítear i bpointe (a) d'Airteagal 46(3) a údarú; nó

(f) 

dírítear ann ar rialacha ceangailteacha corparáideacha a fhormheas de réir bhrí Airteagal 47.

2.  
Féadfaidh údarás maoirseachta ar bith, Cathaoirleach an Bhoird nó an Coimisiún, a iarraidh go ndéanfaidh an Bord scrúdú ar aon ábhar a mbeidh feidhm ghinearálta aige nó ar aon ábhar a mbeidh éifeachtaí aige i níos mó ná Ballstát amháin d'fhonn tuairim a fháil, go háirithe i gcás nach gcomhlíonfaidh údarás inniúil maoirseachta na hoibleagáidí maidir le cúnamh frithpháirteach i gcomhréir le hAirteagal 61 nó maidir le hoibríochtaí comhpháirteacha i gcomhréir le hAirteagal 62.
3.  
Sna cásanna dá dtagraítear i mír 1 agus i mír 2, déanfaidh an Bord tuairim a eisiúint ar an ábhar a cuireadh faoina bhráid ar an gcoinníoll nach mbeidh tuairim eisithe aige cheana féin maidir leis an gceist chéanna. Glacfar an tuairim sin laistigh de thréimhse ocht seachtaine, trí thromlach simplí de chomhaltaí an Bhoird. Féadfar síneadh breise sé seachtaine a chur leis an tréimhse sin agus castacht an ábhair á cur san áireamh. Maidir leis an dréachtchinneadh dá dtagraítear i mír 1 a scaipeadh ar chomhaltaí an Bhoird i gcomhréir le mír 5, comhalta nach bhfuil agóid déanta aige laistigh de thréimhse réasúnta arna sonrú ag an gCathaoirleach, measfar go dtoilíonn sé leis an dréachtchinneadh.
4.  
Déanfaidh na húdaráis mhaoirseachta agus an Coimisiún, gan aon mhoill mhíchuí, aon fhaisnéis ábhartha a chur in iúl trí mheán leictreonach don Bhord, agus úsáid á baint as formáid chaighdeánaithe, lena n-áiritheofar, de réir mar a bheidh, achoimre ar na fíricí, an dréachtchinneadh, na forais is bonn leis an ngá atá le beart den sórt sin a achtú, agus na tuairimí ó údaráis mhaoirseachta eile lena mbaineann.
5.  

Déanfaidh Cathaoirleach an Bhoird, gan aon mhoill mhíchuí, na nithe seo a leanas a chur ar an eolas trí mheán leictreonach:

(a) 

comhaltaí an Bhoird agus an Coimisiún faoi aon fhaisnéis ábhartha a cuireadh in iúl dó, agus úsáid á baint aige as formáid chaighdeánaithe chuige sin. Soláthróidh rúnaíocht an Bhoird Eorpaigh um Chosaint Sonraí aistriúcháin den fhaisnéis ábhartha, nuair is gá; agus

(b) 

an t-údarás maoirseachta dá dtagraítear, de réir mar a bheidh, i mír 1 agus i mír 2, chomh maith leis an gCoimisiún faoin tuairim agus poibleoidh sé í.

▼C1

6.  
Ní dhéanfaidh an t-údarás inniúil maoirseachta dá dtagraítear i mír 1 a dhréachtchinneadh dá dtagraítear i mír 1 a ghlacadh laistigh den tréimhse dá dtagraítear i mír 3.

▼C2

7.  
Cuirfidh an t-údarás maoirseachta dá dtagraítear i mír 1 an tuairim ón mBord san áireamh ina hiomláine agus cuirfidh sé in iúl trí mheán leictreonach do Chathaoirleach an Bhoird laistigh de choicís tar éis dó an tuairim a fháil cibé acu a sheasfaidh nó nach seasfaidh sé leis an dréachtchinneadh nó a leasóidh nó nach leasóidh sé é agus, i gcás inarb ann do leasuithe, cuirfidh an t-údarás maoirseachta an dréachtchinneadh leasaithe ar aghaidh freisin agus úsáid á baint as formáid chaighdeánaithe.

▼C1

8.  
I gcás ina gcuireann an t-údarás inniúil maoirseachta dá dtagraítear i mír 1 in iúl do Chathaoirleach an Bhoird, laistigh den tréimhse dá dtagraítear i mír 7 den Airteagal seo, nach bhfuil sé ar intinn aige tuairim an Bhoird a leanúint, ina hiomláine nó go páirteach, agus na forais ábhartha á soláthar aige, beidh feidhm ag Airteagal 65(1).

▼B

Aithrisí a mhíníonn an tAirteagal seo

  • Aithris 135 Chun a áirithiú go gcuirtear an Rialachán seo i bhfeidhm go comhsheasmhach ar fud an Aontais, ba cheart sásra…
  • Aithris 136 Agus an sásra comhsheasmhachta á chur i bhfeidhm aige, ba cheart don Bhord tuairim a eisiúint, laistigh de…

Téarmaí a shainmhínítear sa ghníomh seo agus a úsáidtear anseo

  • próiseáil

    ciallaíonn “próiseáil” aon oibríocht nó aon sraith d'oibríochtaí a dhéantar ar shonraí pearsanta nó ar shraitheanna de shonraí pearsanta, trí mhodhanna uathoibrithe nó trí mhodhanna eile, amhail bailiú, taifeadadh, eagrú, struchtúrú, stóráil, oiriúnú nó athrú, aisghabháil, ceadú, úsáid, nochtadh trí tharchur, trí scaipeadh nó trí chur ar fáil ar bhealach eile, ailíniú nó comhcheangal, srianadh, léirscriosadh nó díothú;

    Article 4, point (2)

  • toiliú

    ciallaíonn “toiliú” an ábhair sonraí aon léiriú sonrach, feasach agus gan athbhrí a thugtar faoi shaoirse ar mhianta an ábhair sonraí trína gcuireann sé nó sí in iúl, trí ráiteas nó trí ghníomhaíocht shoiléir dhearfach, go n-aontaíonn sé nó sí le próiseáil sonraí pearsanta a bhaineann leis nó léi;

    Article 4, point (11)

  • rialacha ceangailteacha corparáideacha

    ciallaíonn “rialacha ceangailteacha corparáideacha” beartais um chosaint sonraí pearsanta a gcloíonn rialaitheoir nó próiseálaí atá bunaithe ar chríoch Ballstáit leo, ar beartais iad le haghaidh aistrithe sonraí pearsanta nó sraith d'aistrithe sonraí pearsanta chuig rialaitheoir nó chuig próiseálaí i dtríú tír amháin nó níos mó laistigh de ghrúpa gnóthas, nó grúpa fiontar a bhfuil gníomhaíocht chomhpháirteach eacnamaíoch ar bun acu;

    Article 4, point (20)

  • údarás maoirseachta

    ciallaíonn “údarás maoirseachta” údarás poiblí neamhspleách a bhunaíonn Ballstát de bhun Airteagal 51;

    Article 4, point (21)

Tuilleadh i Reader Eureka

Tá Eureka ag cur nasc agus sainmhínithe leis…