Kapitolu VIII Artikolu 81
Artikolu 81 · Sospensjoni ta' proċedimenti
Verżjoni konsolidata tal-4 ta’ Mejju 2016: it-test bil-korrezzjonijiet inkorporati. Il-verżjonijiet kollha · It-test oriġinali fir-Reader
Fil-qosorSommarju ta' Eureka
Qorti kompetenti li jkollha informazzjoni dwar proċedimenti pendenti f’qorti ta’ Stat Membru ieħor dwar l-istess suġġett fir-rigward tal-ipproċessar mill-istess kontrollur jew proċessur għandha tikkuntattja lil dik il-qorti biex tikkonferma l-eżistenza tagħhom.
Kwalunkwe qorti kompetenti li ma tkunx l-ewwel qorti adita tista’ tissospendi l-proċedimenti tagħha jew, fejn dawn ikunu pendenti fl-ewwel istanza u fuq talba ta’ parti, tiddeklina l-ġurisdizzjoni jekk l-ewwel qorti adita jkollha ġurisdizzjoni u l-liġi tagħha tippermetti l-konsolidazzjoni.
It-test tal-Artikolu 81verżjoni konsolidata tal-4 ta’ Mejju 2016
Artikolu 81
Sospensjoni ta' proċedimenti
Premessi li jispjegaw dan l-Artikolu
- Premessa 144 Fejn qorti li quddiemha jibdew proċedimenti kontra deċiżjoni minn awtorità superviżorja jkollha raġuni biex…
Termini definiti f’dan l-att li jintużaw hawn
ipproċessar
“ipproċessar” tfisser kwalunkwe attività jew sett ta' attivitajiet li jitwettqu fuq data personali jew fuq settijiet ta' data personali, sew jekk b'mezzi awtomatizzati u sew jekk mingħajrhom, bħalma huma l-ġbir, ir-reġistrazzjoni, l-organizzazzjoni, l-istrutturar, il-ħażna, l-adattament jew il-bidliet, l-irkupru, il-konsultazzjoni, l-użu, l-iżvelar bi trażmissjoni, it-tixrid jew it-tqegħid għad-dispożizzjoni b'xi mezz ieħor, l-allinjament jew it-taħlita, ir-restrizzjoni, it-tħassir jew il-qerda;
Article 4, point (2)
kontrollur
“kontrollur” tfisser persuna fiżika jew ġuridika, awtorità pubblika, aġenzija jew kwalunkwe korp ieħor li, waħdu jew flimkien ma' oħrajn, jiddetermina l-għanijiet u l-mezzi tal-ipproċessar ta' data personali; fejn l-għanijiet u l-mezzi tal-ipproċessar ikunu ddeterminati mil-liġi tal-Unjoni jew ta' Stat Membru, il-kontrollur jew il-kriterji speċifiċi għall-ħatra tiegħu jistgħu jiġu determinati mil-liġi tal-Unjoni jew ta' Stat Membru;
Article 4, point (7)
proċessur
“proċessur” tfisser persuna fiżika jew ġuridika, awtorità pubblika, aġenzija jew korp ieħor li jipproċessa data personali f'isem il-kontrollur;
Article 4, point (8)